Утрински Весник
Свет

Бајден за апсењето на Путин: Одлуката е оправдана, тој изврши воени злосторства

Бајден за апсењето на Путин: Одлуката е оправдана, тој изврши воени злосторства

Американскиот претседател Џо Бајден вчера изјави дека рускиот претседател Владимир Путин извршил воени злосторства и дека одлуката на Меѓународниот кривичен суд (МКС) да издаде налог за негово апсење е оправдана.

dobivaj vesti na viber

Претходно во петокот МКС издаде налог за апсење на Путин под сомнение дека е одговорен за нелегална депортација на деца и трансфер на луѓе од територијата на Украина во Русија.

„Мислам дека тоа е оправдано. Проблемот е што не сите го признаваат судот, вклучително и ние. Но, мислам дека тоа испрати силна порака“, им рече Бајден на новинарите.

САД, независно од МКС, утврдија дека руските сили извршиле воени злосторства во Украина и веруваат дека сторителите мора да одговараат, се вели во соопштението на портпаролот на Стејт департментот.

Потегот на МКС обврзува 123 земји-членки да го уапсат Путин доколку тој се најде на нивна територија и да го префрлат на судење во Хаг.

Русија ги отфрла обвинувањата дека нејзините сили извршиле воени злосторства за време на инвазијата.

Кремљ во петокот објави дека налогот за апсење на Путин е срамота и, што се однесува до Русија, бесмислен, и дека Русија, како и многу други земји, не ја признава јурисдикцијата на МКС,пренесе Индекс.хр.

Можете да прочитате

Во Франција за Велигден зголемено присуството на полицијата пред црквите

Палестинската управа формира нова влада

Шпанската крајбрежна стража спаси 124 мигранти во близина на Канарските острови