Претседателот на САД, Џо Бајден вети денеска дека Соединетите држави никогаш нема да ги признаат руските територијални претензии во Украина, а Вашингтон подготвува нов круг санкции против Русија поради организирањето на референдумите во четирите југоисточни украински региони во кои е доминатно руското и рускојазичното населени и се под контрола на сепаратистичките и руските сили, кои Западот ги оцени за нелегално руско анектирање на украинска територија.
Тој им се обрати на челниците на пацифичките островски земји и притоа ги осуди референдумите во Украина како „апсолутна измама“, тврдејќи дека резултатите – кои покажаа дека огромно мнозинство над 90 отсто од оние кои гласале во Доњецк, Луганск, Херсон и Запорожје се за присоединување на Русија – се „измислени во Москва“.
„Сакам да бидам многу јасен во врска со ова, САД никогаш, никогаш, никогаш нема да ги признаат руските барања на украинската суверена територија“ – рече Бајден.