Девојка се движела по улицата Велимир Бата Живојиновиќ во Србија кога во неа удрил автомобил „фолксваген поло“ во кој немало возач. Според очевидци, тој буквално го поминал нејзиното тело и продолжил по својот пат.
Како што дознава „Телегарф.рс“, автомобилот потоа „удрил“ во уште две возила.
Кај А.Ј. констатирани се тешки повреди на главата и рбетот. Нејзината состојба е сериозна.
Неофицијално, возачот на Фолксваген го паркирал автомобилот и влегол во зграда.
Меѓутоа, Н.М. (30) наводно не ја подигнал рачната сопирачка и возилото само тргнало.
За случајот известени се полицијата и обвинителството.
