Директорот на ЦУК, Стојанче Ангелов потврди дека го остварил најавениот разговор, телефонски, со техничкиот премиер Талат Џафери, пред денешната седница на Владата на која ќе се разгледува и гласа неговото разрешување. Џафери му се јавил и му соопштил дека ќе следува негово разрешување од функцијата директор на ЦУК. -Тоа го прифаќам како нормална постапка, соопшти Ангелов. Оваа иницијатива доаѓа откако „Достоинство“, партијата на Ангелов реши да ја напушти коалицијата со СДСМ и да се пресели кај ВМРО-ДПМНЕ. –Како премиер неспорно е дека тој има право да предлага именување и разрешување на функционери. Конечната одлука ја носи Владата. За да биде прифатен предлогот на премиерот за мое разрешување, поддршката треба да дадат министрите и вицепремиерите на СДСМ. Во спротивно нема да има мое разрешување, напиша на социјалните мрежи Ангелов. Генералниот секретар на СДСМ, Миле Зеќевиќ прв знаел дека Ангелов излегува од коалицијата, а потоа запознат бил и партискиот лидер, екс-премиерот Димитар Ковачевски. -Тие сметаа дека без разлика на политичка одлука на Достоинство, треба да останам на позицијата, додадва Ангелов. Како причина за менување на коалицијата пред изборите кои следуваат Ангелов ги наведе неисполнетите очекувања за надминување на горливиот проблем со кој се соочуваат се уште необесштетените десетина воени инвалиди и петнаесетина семејства на загинати бранители.. Ангелов обелодени дека ако биде разрешен ќе се врати на своето претходно работно место во М-НАВ.
Ангелов конечен епилог од најавеното разрешување чека да донесе Владата
