Американскиот бизнисмен Мациек Камински е заинтересиран да го купи премиерлигашот Евертон. Инвеститор со седиште во Минесота е чекор поблиску да го преземе мнозинскиот управувачки пакет за сума 400 милиони фунти, пренесуваат медиумите на Островот.
Камински и сегашниот сопственик Фархад Мошири се во напредни преговори, но евентуалниот „дил“ се уште виси и поради нестабилниот финансиски пазар во Велика Британија.
За секој договор секако ќе биде потребно одобрение и од раководството на Премиерлигата.
Доколку оваа зделка биде успешна, тоа би значело дека половина од премиерлигашките клубови ќе имаат американски акционери.
Евертон минатата сезона едвај се спаси од испаѓање, а во моментот е на 13. позиција на табелата.
