Утрински Весник
Спорт

Алегри експресно е казнет за циркусот кој го приреди во финалето од Купот на Италија

226664 Alegri Dobi Zhestoka Kazna Za Ludoriite Vo Finaleto Od Kupot.jpg

Тренерот на трофејниот италијански фудбалски калчолигаш Јувентус, Масимилијано Алегри, по триумфот на неговата екипа во Купот на Италија, поради недолично однесување експресно доби казна за циркусот кој го приреди. Казнет е со два натпревари неседење на клупата и парично со 5.000 евра. Јувентус до крајот на сезоната треба да игра уште два калчолигашки натпревари против Болоња и Монца, а Алегри наместо на клупата ќе биде на трибините. Со финалниот меч во Купот Алегри го заврши својот втор мандат на клупата на „старата дама“.  На средбата со Аталанта која „старата дама“ ја доби со 1:0, искусниот трофеен стручњак се изгуби во финишот од натпреаврот. Откако се налути на една судиска одлука и го соблече сакото, вратоврската, саркастично им аплаудираше на абитрите, поради што беше испратен на трибината. Во извештајот од делегатот е наведено дека се однесувал агресивно и користел навреди и грди гестикулации кон судиите. Јувентус по 15. пат го освои трофејот во Купот на Италија.

Можете да прочитате

Чави: Никогаш не е лесно да го напуштиш клубот на својот живот

(Видео) Тепачка меѓу навивачи на Панатинаикос и Фенербахче во Берлин пред полуфиналната пресметка од Евролигата

Ново разочарување од Ѓоковиќ пристигна од турнирот во Женева