Утрински Весник
Македонија

АКТУЕЛНО МЕТЕО ПРЕДУПРЕДУВАЊЕ: Подгответе се за невреме со пороен дожд, грмежи, силен ветер и град

Download 10.jpg

Метео анализа на Славчо Попоски:

Почитувани, како што долго време најавуваме, од утре 1.5.2024 па во следните денови (вклучувајќи ги и Велигденските празници), територијата на Македонија ќе биде под влијание на циклон од запад и истиот ќе услови променливо и нестабилно време, со честа појава на пороен дожд, грмежи и засилен ветер.

Локално и повремено процесите ќе бидат поинтензивни, и застапени во форма на невреме, проследено со силен ветер  и со појава на град. Токму поради ова препорачуваме крајна внимателност.

И во Скопскиот регион од утре, па се до крајот на оваа недела следува променливо и нестабилно време, повремено со пороен дожд, грмежи и засилен ветер. Во делови од котлината ќе има услови и за појава на невреме, проследено со силен ветер и со појава на град.

Што се однесува до температурите, тие ќе бележат тенденција на опаѓање, особено од средината на оваа недела кога ќе бидат под просекот и на повеќе места ќе бидат под 20 степени, понекаде  и под 15 степени.

Со овој циклон, поради падот на температурите, и поради спуштање на посвежа воздушна маса од север, повремено на највисоките планински врвови на северозападот не се исклучува  и можноста за порвејување на слаб снег.

Можете да прочитате

Пустинска прашина од Сахара денеска и утре ќе ја зафати Македонија

Изработен нов електронски дневник, ќе се применува во новатa учебна година по тест периодот, соопшти МОН

Карамбол во Тетово – удрил во паркирани автомобили, повредени возачот и 19 годишен сопатник