Кавадарци, 13 мај 2020 (МИА) – Одделението за хирургија во Општа болница со проширена надлежност Кавадарци, доби донација – изградба и комплетно опремување на модерен болнички апартман, информираа денеска од оваа јавна здравствена установа.
– Апартманот е наменет за болничко сместување на пациенти во најсовремени услови. Голема благодарност до компанијата „Кожувчанка” од Кавадарци, која ја овозможи оваа донација, покажувајќи значителна општествена одговорност, соопштија од Болницата. свд/ев/
