Барселона, 23 март 2020 (МИА) – Фудбалерот од средниот ред на Барселона, Иван Ракитич кажа како го поминува времето во карантин заради коронавирусот. Хрватот призна дека ужива да работи на справи.
– Имам среќа што имаме наша сала во домот поради сопругата која сака да тренира. Тоа ми дава мотивација. Најчесто тренирам ноќе и наутро. Не мислам дека некогаш сум бил во сала толку често како овој период, изјави Ракитиќ.
Тој ги оправдува преземенети мерки од надлежните.
-Мерки не беа изненадување. Кога отидовме во Неапол, разговаравме многу за тоа. Во Италија сите зборуваа за тоа. Нашиот лекар тогаш ни рече дека тоа ќе се случи и во Шпанија. Задолжителниот карантин е најдобрата опција за која можете да размислите. Не ми се допаѓа затоа што навистина сакам да шетам по улицата, но изолацијата е неопходна и важна, изјави Ракитиќ. зс/
