Скопје, 20 март 2020 (МИА) – Општина Гази Баба заедно со ЈКП Гази Баба, Град Скопје, ЈП Водовод и канализација и Центарот за јавно здравје реализираа неколку акции за дезинфицирање на јавните површини и објекти, како и чистење на улиците во општината, информираат од општина Гази Баба.
Извршивме машинско миење на улиците во повеќе населени места и тоа во населба Железара, улиците Гемиџиска, Тајмишка, Зеничка и Душан Тасковиќ, во Автокоманда, улиците Ташко Караџа, Лазар Поп Трајков и Јани Лукровски, во Ќерамидница, улицата 519, во Кирил Петрушевски, улиците Перо Наков и Вера Радосављевиќ, во Триангла, улиците Модест Мусоргски и Петре Филиповски Гарката. Исто така и во населба Хиподром, улиците Дончо Штипјанчето, Жан Жорест, Пехчевска и Париска Комуна. Потоа во населбите Ченто и Маџари улиците Палмиро Тољати, Сречко Пужалка, Фуштанска, Жегњане, Јужноморавски Бригади и друго, велат од општина Гази Баба.
Воедно, од таму наведуваат дека се машинско миење на улици е реализирано и во улиците во Стајковски, Булачани, Раштак и Страчинци.
Исто така општина Гази Баба и Екипите на Институтот за јавно здравје го дезинфицираа домот за згрижување деца “Ранка Милановиќ”, а рачно се чистеа и двата плоштади во Автокоманда, Коцка и Филип Втори.
Акцијата продолжува во текот и на другите денови во останатите населени места. оџ/ац/
