Утрински Весник
Македонија

Бесплатни уролошки прегледи по повод Месецот на машкото здравје

Flat Blue November Background 23 2149690537.jpg

Специјализираната болница за геријатриска и палијативна медицина „13 Ноември“ – Скопје денеска ќе организира превентивна здравствена акција по повод Месецот на машкото здравје, насочена кон подигнување на свеста за значењето на редовните прегледи и навремената превенција.

Во рамки на акцијата ќе се вршат превентивни ехо-прегледи на уринарниот тракт и простатата, како и консултации со специјалист уролог.


На настанот предвидени се обраќања на директорката на болницата и потпретседателка на Лекарската комора за секундарно здравство, д-р Ленче Нелоска, и претседателот на Лекарската комора на Македонија, проф. д-р Никола Јанкуловски.

Акцијата ќе се одржи од 10 до 11 часот во амбулантата во рамки на Специјализираната болница „13 Ноември“ во Скопје.

Од болницата посочуваат дека целта е да се поттикнат граѓаните, особено мажите, редовно да ја следат својата здравствена состојба и навреме да ги откриваат евентуалните заболувања.

Можете да прочитате

ЛДП Валандово: ПР-спектакл на владата за цели 1.560 метри асфалт и задоцнета грижа за Исар Марвинци

Поради метеж на терминалот Блаце, товарниот соовбраќај пренасочен од г.п Блаце кон бензиска „Дизел“

Променливо облачно со повремен дожд