Утрински Весник
Скопје

Утре голема акција за чистење на Скопје – на терен неколку илјади волонтери

Screenshot 2026 09 29 153011.jpg

Утре, 30 септември, со почеток во 10 часот, во сите скопски општини ќе се одржи голема еколошка акција за чистење на јавните површини, во која е најавено учество на неколку илјади волонтери.

Во акцијата ќе се вклучат скопските општини и градоначалниците, претставници на амбасади, ученици, спортисти, јавни личности, како и голем број граѓани.


Целта е преку заедничка акција да се исчистат и уредат јавните површини и да се поттикне поголема грижа за животната средина и просторот што секојдневно го користат граѓаните.

Организаторите најавуваат дека утрешното чистење нема да биде еднократна акција. Иницијативата е предвидено да продолжи двапати месечно, со намера редовното одржување на јавниот простор да прерасне во навика и заедничка одговорност.

Упатен е и повик до граѓаните да се приклучат на акцијата и со личен пример да придонесат за почисто, поуредно и поздраво Скопје.

Можете да прочитате

Ѓорѓиевски со прв годишен отчет: Тековните обврски на Скопје намалени за 322 милиони денари

Инцидент во ТЦ Бисер, се бара смена на деценискиот претседател на Здружението на сопственици на дуќани

Меџити: Генерацијата од Битола ја исполни својата задача, наша одговорност е да обезбедиме квалитетно образование на албански јазик