Тешка сообраќајна несреќа се случила вечерва на патниот правец Гостивар – Маврово, а според првичните неофицијални информации постои сомнение дека во несреќата има и загинати лица.
Како што објавува „Тетова Сот“, засега нема официјална потврда од надлежните институции за бројот или идентитетот на евентуалните жртви.
Од местото на несреќата се забележува големо присуство на полициски екипи и возило на Итната медицинска помош.
Надлежните служби се на терен и работат на утврдување на околностите под кои се случила тешката сообраќајна несреќа.
Повеќе официјални информации за несреќата, евентуалните жртви и повредени лица се очекуваат од надлежните институции.
