Седумкратниот светски првак во Формула 1, Луис Хамилтон ја освои својата прва победа во Ферари, славејќи на Големата награда на Каталонија, значително доближувајќи се до врвот во генералниот пласманот, откако водечкиот Италијанец Кими Антонели (Мерцедес) се откажа пет круга пред крајот. За Хамилтон ова е седма победа во кариерата, на патеката во Барселона.
На патеката „Каталуња“, Хамилтон го забележа својот прв триумф по 685 дена и трката во Белгија, кога ја забележа својата последна победа зад воланот на Мерцедес, по дисквалификацијата на неговиот тогашен тимски колега, Џорџ Расел.
За Британецот, првата победа во Ферари е 106-та вкупно во неговата кариера, а тој стана и 11-от возач кој стигна до највисокото ниво на подиумот со три тима во Формула 1. Во таа избрана група се, меѓу другите, Кими Раиконен, Фернандо Алонсо, Себастијан Фетел, Нелсон Пике и Ники Лауда.
Следната трка во Формула 1 е Големата награда на Австрија од 26 до 28 јуни.
