Утрински Весник
Македонија

„Ќерката е во болница“ – измама тешка над 430.000 денари во Виница

Lekar.jpg

Седумдесет и седумгодишен жител на Виница пријавил во полиција дека бил жртва на измама, при што му била одземена сума од над 430.000 денари.

Како што информираат од ОВР Виница, на 08.01.2026 година во 17:30 часот оштетениот пријавил дека во текот на денот добил телефонски повик од лице кое се претставило како лекар. Лицето го известило дека неговата ќерка се наоѓа во болница поради скршеница на нога и дека е неопходно итно да се изврши операција со вградување шипки.

Според пријавеното, наводниот лекар побарал пари за интервенцијата, по што оштетениот, по претходен договор, во неколку наврати ги однел парите на договорено место.

Откако се вратил дома, 77-годишникот добил повик од својата ќерка, по што сфатил дека бил измамен.

Се преземаат мерки за пронаоѓање на сторителот и целосно расчистување на случајот.

Можете да прочитате

Миноски бара „рестартирање на системот“ и проверка на потеклото на имотот на функционерите од 1990 година

Ахмети се повика на Мицкоски и побара избори – Единствениот излез се предвремени парламентарни избори

Американската амбасада во Софија издаде безбедносно предупредување за цела Европа пред празниците