Вечерва во Македонскиот народен театар со почеток во 20:30 часот ќе се одржи македонската премиера на документарниот филм „Приказната за Силјан“ од Тамара Котевска, македонски кандидат за Оскар. На премиерата ќе присуствува целата филмска екипа, чија работа ја прослави Македонија на меѓународни фестивали и го привлече вниманието на National Geographic.
Филмот има освоено награди и номинации на фестивалите во Венеција, NYDOC, IDA, Spirit, PGA Award, Eye Cinema Audience Award и други. „Приказната за Силјан“ го прикажува животот на земјоделецот Никола, кој случајно наоѓа ранет бел штрк и решава да му помогне. Нивниот кревок однос со доверба постепено се претвора во спасоносна врска, која ја враќа смислата во животот на Никола, ги обновува врските со заедницата и буди старите преданија кон природата.
