Климатската активистка Грета Тунберг беше уапсена во центарот на Лондон додека учествуваше на демонстрации во поддршка на штрајкувачите со глад од Палестинската акција. Лондонската полиција соопшти дека 22-годишната Тунберг е приведена поради истакнување транспарент во поддршка на забранета организација, што е спротивно на член 13 од Законот за тероризам од 2000 година.
Според сведоци и видео од протестната група „Затвореници за Палестина“, Тунберг држела знак со порака против геноцидот и во поддршка на акцијата на групата пред канцелариите на „Аспен иншуренс“, кои обезбедуваат услуги за израелската компанија „Елбит Системс“. Пред апсењата, двајца активисти испрскале црвена боја на фасадата на зградата, по што полицијата интервенирала.
