Бројот на загинати во пукањето на плажата Бонди во Сиднеј се зголеми на 16, вклучувајќи и едно дете, соопшти министерот за здравство на Нов Јужен Велс, Рајан Парк. Повредените и хоспитализираните се зголемија од 29 на 40.
Нападот се случи околу 18:47 по локално време, кога најмалку две вооружени лица отворија оган кон околу 1.000 луѓе во паркот Арчер, каде еврејската заедница организирала јавна прослава. Еден од осомничените е убиен на местото, додека вториот е повреден и приведен. Истражителите не ја исклучуваат можноста за вмешаност на трет осомничен.
Австралискиот премиер Ентони Албанезе нападот го осуди како „чин на зло, антисемитизам и тероризам“ и свика итна седница на Комитетот за национална безбедност. Светски лидери исто така изразија осуда и сочувство.
