Денеска, при вршење увид во опожарените магацини во кругот на индустрискиот комплекс „Макстил“ во Скопје, пронајдено е едно опожарено лице. Увидот сè уште е во тек, а на терен се надлежните служби, дознава 24инфо.
Пожарот избувнал синоќа во кругот на „Макстил“, при што целосно бил зафатен магацин кој се користел за обработка на дрво. На местото интервенирале противпожарни екипи, кои по неколкучасовна интервенција успеале да го локализираат и изгаснат огнот.
Причините за настанување на пожарот засега не се познати. Надлежните органи ќе утврдуваат како дошло до трагичниот настан и под кои околности лицето се нашло во објектот.
Повеќе информации се очекуваат по завршување на увидот.
