Американската Канцеларија за контрола на странски средства (ОФАК) ја продолжи лиценцата што ѝ овозможува на Лукоил да продолжи со одредени меѓународни активности до 29 април 2026 година.
Лиценцата дозволува трансакции со подружниците на компанијата надвор од Русија, вклучително и оние во САД, но само за набавка на стоки и услуги, техничко одржување и работење или затворање на бензински станици. Средствата од блокираните сметки можат да се користат исклучиво за овие одобрени операции. Дозволата не важи за трансакции со руски државни банки, ниту за директни плаќања кон Русија.
Од октомври, САД ги заострија санкциите кон Лукоил и Роснефт, што ги комплицира нивните меѓународни финансиски трансакции. Секоја продажба на странските подружници на Лукоил ќе мора да добие специјално одобрение од американското Министерство за финансии.
