Вечерва на булеварот „Партизански одреди“ во Скопје се случи тешка сообраќајна несреќа, во непосредна близина на местото каде што минатата година трагично загина младата Фросина Кулакова.
Според информациите објавени од Фактор, во несреќата учествувале три возила – „Голф“, „Мерцедес“ и „БМВ“, кои по силниот удар се извртеле на коловозот. Сведоци на настанот испратиле фотографии до редакцијата, на кои се гледа голема материјална штета на возилата.
Засега нема информации за повредени лица, а причините за несреќата се уште се утврдуваат. Според првичните сведоштва, до судирот најверојатно дошло поради неприлагодена брзина на возачите.
Полицијата извршува увид на местото на несреќата, по чиј завршеток се очекуваат повеќе детали.
