По скандалот со претседателот на ЗНАМ и градоначалник на Куманово, Максим Димитриевски и имотот на неговиот кум, на социјалните мрежи се огласи претседателот на ОО СДСМ Куманово, Дарко Ристовски.
Тој им се обрати на членовите на ЗНАМ со порака дека Димитриевски ги има искористено и подаде рака, сегашние членови на ЗНАМ, кои до вчера беа во СДСМ, да се вратат во матичната партија.
„Верувавте дека носите промени. Дека ќе бидете гласот на разочараните, исправените, чесните. Но денес е јасно – Максим Димитриевски ве искористи. Ве поведе со големи зборови, а зад себе остави само лични интереси и бизнис зделки. Ви велеше „патриотот“ дека со ДУИ никогаш -а денес тргува со ДУИ. Ветуваше борба за народот, а денес се бори само за свој џеб.
Глумеше храброст, а денес ја продава честа за фотелја и привилегии. Максо не се бореше за Куманово. Се бореше за себе. И таа вистина веќе никој не може да ја сокрие.
Но вие, другари, вие не сте дел од таа лага. Вие сте вистинските социјалдемократи.
Луѓе со идеал, со став, со срце за заедницата. Вратите на Нашето СДСМ за вистинските Социјалдемократи се отворени – денес повеќе од кога било. Сега е време за обединување. В
