Намалена видливост до 50 метри поради магла има на патните правци во Тетово, Битола и Прилеп. На останатите државни патишта сообраќајот се одвива во зимски услови по наместа влажни коловози.
Од Авто мото сојузот на Македонија утринава информираат дека интензитетот на сообраќај надвор од градските средини е умерен, а на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
