Ветеринарната комора на РСМ денеска со почеток во 9:30 часот во Клуб на пратеници ќе одржи панел-дискусија на тема „Ангажманот на локалната заедница во управување со популацијата на бездомни кучиња“.
На настанот обраќање ќе има директорот на Агенција за храна и ветеринарство (АХВ) д-р Оливер Миланов.
Во продолжение, претставници од институциите, локалните самоуправи, невладините организации за заштита на животните, Ветеринарната комора на РСМ, од науката – Факултет за ветеринарсна медицина – Скопје, Универзитет за ветеринарна медицина Виена, Австрија, како и претставници од невладина организација за заштита на животните од Австрија, ќе ги презентираат начините на управување со популацијата на бездомни кучиња, а споделени ќе бидат и искуства за справување со бездомните животни во европските земји, од аспект на одговорното сопствеништво и благосостојбата на животните.
Настанот се организира на иницијатива на Ветеринарната комора на РСМ со финансиска и организациона поддршка на Амбасадата на Република Австрија и Агенцијата за храна и ветеринарство.
