Владата на Јапонија, и покрај апелите на правните експерти, денеска го отфрли предлогот за укинување на смртната казна.
– Владата смета дека е несоодветно да се укине. Смртната казна е неизбежна за лице кое извршило исклучително тешко и грозоморно злосторство, изјави владиниот секретар Јошимаса Хајаши.
Комисија од 16 членови, меѓу кои и поранешни највисоки обвинители и полицајци, како и академици, вчера им предложија на Владата и на Парламентот да се формира тело кое би дебатирало дали да се задржи смртната казна во Јапонија.
Јапонија и САД се единствените држави од Г7, каде се изрекуваат смртни казни.
