Денес околу 18 часот и 30 минути се судрија патнички и товарен воз, јавуваат српските медиуми.
Еден патнички и еден теренски воз се судрија денеска околу 18:30 часот во подземниот тунел меѓу градскиот кварт Вуков споменик и мостот Панчевачки во Белград, пишува Нова.рс. Пожарникарите се на терен, а испратени се и четири екипи за итна помош. Сударот се случил, објави државната телевизија РТС, на околу 400 метри од влезот во тунелот кај Панчевачкиот мост.
Блиц наведува дека има и повредени, а меѓу нив е машиновозачот и кондуктер. Подоцна веста ја надополнија со информација дека во патничкиот воз имало вкупно осум лица, шест патници, машиновозачот и кондуктерот и дека сите тргнале пеш кон излезот од тунелот, а немало сериозни повреди. РТС соопшти дека две лица се полесно повредени.
Н1 Србија соопшти дека на терен се 17 пожарникари со пет возила, полиција и екипи на итната помош.
