Две лица загинаа, а едно е повредено во сообраќајка која попладнево се случила на магистралниот пат Радовиш-Штип, поради што дојде и до прекин на сообраќајот, информира Македонската информативна агенција (МИА). Според портпаролката на СВР Струмица Александра Трајанова, во сообраќајната несреќа се судриле два автомобили марка „опел“ и пасат“. -Во сообраќајната несреќа загинаа двајца возачи, а сопатничката на едното возило е пренесена во штипската болница,информираше портпаролката. Според нејзините информации, полицијата повеќе детали за несреќата најавува дека ќе бидат објавени во текот на утрешниот ден. Увид на местото на несреќата врши јавен обвинител. Сообраќајот во овој дел се пренасочува по стариот пат.
