Меѓународната хуманитарна организација „Хјуман рајтс воч“ во извештајот објавен денеска, ја обвини армијата на Буркина Фасо за масакрирање на 223 цивили, меѓу кои 56 деца, во две села во февруари, јавува Би-Би-Си.
Меѓународната хуманитарна организација „Хјуман рајтс воч“ во извештајот објавен денеска, ја обвини армијата на Буркина Фасо за масакрирање на 223 цивили, меѓу кои 56 деца, во две села во февруари, јавува Би-Би-Си.
Во извештајот се наведува дека армијата убила 179 цивили во селото Соро и уште 44 во блиското село Нондин, а преживеаните од нападот изјавиле за организацијата дека воен конвој со над 100 војници упаднал во селото Нондин, околу половина час по Исламистички бунтовници забележани во близина.
Според нивните изјави, војниците оделе од врата до врата, принудувајќи ги жителите да излезат од нивните куќи, а потоа „ги поделиле во групи пред да отворат оган врз нив“.
Еден час подоцна упаднале во селото Соро, кое се наоѓа на околу пет километри, каде убиствата биле повторени на ист начин. Во двете села војниците пукале и во оние кои се обиделе да се скријат или да побегнат, велат очевидци.
Масовните убиства најверојатно се одмазда од армијата, која ги обвини локалните селани за помагање на вооружените исламистички борци. Масакрот се случи откако бунтовниците нападнаа воен камп.
