Според полицијата, сторителот го симна црно-црвено-златното знаме со површина од 60 квадратни метри и едноставно го фрли на земја. Палестинското знаме дури по повеќе од еден час беше симнато од јарболот пред објектот во кој заседава германскиот Бундестаг.
Наводно, уште две лица стоеле под јарболот и го снимале инцидентот. Пожарникарите успеаја да го отстранат мажот од јарболот, а сите тројца беа приведени и против нив е покрената истрага.
Тројцата мажи се приведени, од кои двајцата помлади се задржани во полициски притвор. Според полицијата, сите тројца осомничени се германски државјани без очигледна миграциска заднина.
Во инцидентот беше осквернет јарболот кој претставува национален споменик – „Знамето на единството“ е симбол на повторното обединување на Германија на 3 октомври 1990 година, а споменикот е висок 28,50 метри. Поради својот заштитен статус, јарболот е изземен од вообичаеното правило за спуштање на знамето на половина копје за време на жалост. Тоа значи дека знамето се спушта само во многу посебни прилики на жалост.
Полицијата покрена истрага поради клевета и оштетување на угледот на државата и нејзините симболи.
Одговорноста за инцидентот ја презеде групата „Мирољубиво против геноцидот“, пренесе ДПА.
