Државната изборна комисија утре ќе спроведе ждрепка за утврдување на редоследот во единствената листа на кандидати за Претседател на Република Северна Македонија.
Исто така ќе се одржи и ждрепката за распределба на рекламни паноа и билборди за Изборите за Претседател на Република Северна Македонија.
Во трката за претседател учествуваат седум кандидати: Стево Пендаровски кој доби граѓанска поддршка и поддршка од партијата СДСМ, Гордана Силјановска – Давкова со поддршка од ВМРО ДПМНЕ, лидерот на партијата „ГРОМ“, Стевчо Јакимовски, професорката Билјана Ванковска зад која застана партијата „Левица“, Бујар Османи од ДУИ, Максим Димитриевски лидерот на „ЗНАМ“ и Арбен Таравари кандидат на коалицијата „Вреди“.
