Утрински Весник
Свет

Велика Британија ќе им нуди пари на илегалните мигранти за доброволно да заминат во Руанда

Migranti 1.jpg

На илегалните мигранти на кои им е одбиен азил во Велика Британија ќе им бидат понудени илјадници фунти доброволно да се преселат во Руанда.

Станува збор за нова шема за доброволно заминување од земјата, која ги надополнува плановите на Лондон за депортирање на мигрантите кои илегално пристигнале во земјата, јави ДПА.

Шемата е дизајнирана за доброволно отстранување на мигрантите кои немаат законско право да останат во Велика Британија, но не можат да бидат вратени во нивната матична земја. Ќе ги таргетира луѓето кои немаат доволно основи да добијат статус на бегалци и кои можат брзо да се преселат во Руанда, која владата на Велика Британија ја смета за безбедна трета земја.

Шемата е дополнување на постојната шема за доброволно враќање на мигрантите што ја води Министерството за внатрешни работи на Велика Британија, која на мигрантите им нуди финансиска помош од 3.000 фунти (3.800 американски долари) за да ја напуштат територијата на Велика Британија и да се вратат во нивната држава.

Можете да прочитате

И НАСА отпушта вработени, заминуваат 20 отсто

Студија: Рекордно високи температури на океаните во 2023 година

Нема буџет на ЕУ ако не се одблокираат милијарди евра за Унгарија, се закани Орбан