Метео анализа на Славчо Попоски:
Поради присуството на значително поладен воздух, утре рано наутро и во претпладневните часови врнежи од снег би можело да има и во повисоките градови во западните и во југозападните предели од Македонија, во делот од (Дебар, Кичево, (Крушево со сигурност), Охрдско – Струшкиот регион и во Пелагонија! Внимание на планинските превои.
Заследете ја мојата официјална фејсбук страница Славчо Попоски – МЕТЕО Прогнозер и мојот официјален инстаграм профил https://www.instagram.com/slavchopoposki/
олемиот влажен воздушен бран кој ќе ја зафати нашата држава од денес доцна попладне и навечер, и кој е во склоп со длабокиот циклонски систем со центар над Џеновскиот залив, на повеќе места ќе донесе обилни врнежи од дожд, (локално и над 30 литри дожд на метар квадратен).
На планините, како и на планинските превои, особено во западната половина од државава ќе има врнежи од снег, со што ќе се формира снежна покривка со висина од 10 до 20 сантиметри, понекаде и со висина и над 25 сантиметри.
Со овој влажен бран и во Скопскиот регион ќе има пообилни врнежи од дожд.
Сето ова ќе биде проследено со повремено засилен ветер (над 60 км/час), најпрвин од јужен и од југоисточен, а потоа и од северен правец, а можна е и ретка појава на грмежи.
Утре температурите позначително ќе опаднат и максималните дневни ќе се искачуваат во интервалот само од 4 до 12 степени.
НАПОМЕНА: Снежната граница понекаде, особено во западните предели би можела да се спушти до околу, па и под 1000 метри надморска височина, со што врнежи од влажен снег би можело да има понекаде и во повисоките населени места.
Не се исклучува можноста на повисоките планини (над 1700 – 1800 метри) да се формира снежна покривка дури и над 30 сантиметри за релативно краток временски период.
Потоа, нов влажен бран очекуваме во среда попладне и навечер, како и во четврток кога повторно ќе имаме пообилни врнежи од дожд и снег на планините.
