Собранието вечерва во рамки на 143. седница се уште расправа за разрешувањето на министерот за здравство Фатмир Меџити. Техничкиот премиер Талат Џафери предложи разрешување на министрите за здравство и за информатичко општество Азир Алиу, откако тие го поддржаа лидерот на АА, кој рече дека ја поддржува албанската опозиција и дека со нив ќе оди на избори.
Бојан Стојановски од ВМРО-ДПМНЕ рече дека секогаш кога ДУИ се соочени со пораз и кога знаат дека има опасност да заминат во опозиција, како што кажа, „си ги вадат нивните платени експоненти по другите политички партии“.
