Израел има обврска според меѓународното право да ги заштити невините луѓе во болниците во Појасот Газа што е можно повеќе додека ја продолжува својата воена кампања против Хамас, соопшти денеска Белата куќа.
Советникот за национална безбедност на Белата куќа, Џон Кирби, на брифинг со новинарите изјави дека Израел има право да се брани, но дека тоа треба да го направи во согласност со меѓународното право и да ги заштити невините луѓе во болниците, медицинскиот персонал и пациентите што е можно повеќе.
Кирби изјави дека Хамас е познат по тоа што намерно користи места како болници за складирање оружје, сместување на своите борци, па дури и ги користи како командни центри, што дополнително ја комплицира позицијата на Израел.
