Утрински Весник
Свет

Снежна бура во Германија: стотици летови откажани, патиштата блокирани

20240118111324 big 730x400 19

Стотици патници останаа заглавени во своите возила на патиштата во централната германска покраина Хесен кога снежните врнежи го покриjа автопатот предизвикувајќи сообраќаен метеж и колони возила што се протегаа со километри.

Полицијата не можела да процени колкав е хаосот предизвикан од снегот и до кога ќе бидат блокирани автопатиштата, пренесува „Билд“.

Во сојузната држава Тирингија, покрај снегот, на коловозот имаше и мраз поради што голем број автопревозници ги одложија патувањата.

Германската метеоролошка служба (ДВД) очекува повеќе снег и предупредува дека возачите од регионите Ајфел и Келн над планините Ротар до Тирингија мора да се подготват за „постојани, а понекогаш и обилни снежни врнежи“.

Стотици летови во Германија беа откажани вчера поради екстремните временски услови, кои ја придружуваат снежната бура Гертруда, а на патниците им се препорачува да го проверат статусот на летот пред да се упатат кон аеродромот.

Во Франција, особено во северните области, останува во сила портокаловата метеоролошка тревога, а властите апелираат до возачите да не излегуваат на пат.

Можете да прочитате

Лавров: Русија ја повтори својата позиција за Украина во разговорот со Рубио

САД подготвуваат предлог-закон за санкции од 500 отсто за земји што купуваат руска енергија

САД воведуваат 35 отсто царини за Канада, Трамп најавува тарифи за повеќето трговски партнери