Македонското државно знаме, како и знамето од Кутлеш (Вергина) се забранети за снимање на првиот сезонски тениски гренд-слем турнир Австралија опен ! Оваа информација ја објавуваат групите на Македонците во Австралија на социјалните мрежи. Организаторот на турнирот на снимателите од Канал 9, кои ги реализираат преносите од тениските терени во Мелбурн, им поделил флаери со знамиња кои не треба да бидат снимани доколку се појават на трибините. На флаерот како непожелни за прикажување на тв-екраните се знамињата на Палестина, Белорусија, Русија, Тајван, Израел и верувале или не – на Македонија, која 30 години е членка на ООН, сега е членка и на НАТО и не е во војна со некого. Покрај државното знаме на Македонија, забрането е да се снима и знамето со 16-кракото сонце, во неговата црвена и сина (грчка) варијанта. Во Австарлија живеат повеќе од 200.000 Македонци по род. По елиминацијата на Лина Ѓорчевска во квалификациите, на турнирот нема ниту еден македонски тенисер. Од Македонската заедница информираат дека „знаат за забраната за македонското знаме со сонцето од Кутлеш“ поради постојаните протести од страна на грчката заедница, но навистина е зачудувачки што на таа листа е и македонското државно знаме !
Македонското знаме се најде меѓу непожелните за снимање на Австарлија опен !
