Македонскиот репрезентативец Доријан Бабунски е нов фудбалер на швајцарскиот прволигаш Грасхоперс. Тој од Унгарија се сели во првенството на Швајцарија.
Напаѓачот потпиша договор на две сезони, со опција за продолжување на соработката за уште една дополнителна година.
Бабунски ќе биде дел од клубот со 27 шампионски титули и 19 национални куп-трофеи во швајцарскиот фудбал. Тој досега го носеше дресот на Дебрецен, а претходно играше за Ботев Враца во бугарското првенство.
