Едни од најголемите фаворити за медал на Светското првенство во кошарка, Франција е елиминирана по вториот пораз во два меча, губејќи во драматична завршница со 88:86 од Летонија, која веќе е во втората фаза.
Французите го имаа водството од почетокот до крајот на мечот, за Летонија првото водство да го добие со 87:86 во последната минута од мечот со поените на Роландс Шмитс, за потоа Французите да не успеат во нападот за победа, а Жагарс го потврди големиот триумф. За Французите поразот беше кобен, бидејќи загубија и во првото коло од Канада, и сега ќе играат за пласман од 17. до 22. место.
LATVIA ELIMINATES FRANCE FROM THE WORLD CUP.
WHAT AN UPSET.pic.twitter.com/w5xj5HUoEW
— NBA World (@NBAW0RLD24) August 27, 2023
Јапонците, пак, со фантастичен пресврт стигнаа до 98:88 победа над Финска, откако надополнија 18 поени разлика за важен триумф. Финците во второто полувреме имаа двоцифрена предност, за пред последната четвртина да имаат +10 (73:63). Но, Јапонците вратија со серија 11:3 за на пет минути пред крајот разликата да е само два поени.
По ова, Јапонија играше фантастично за да осигура победа со која остануваат во игра за пласман во втората рунда, за кој ќе одлучуваат во директен дуел со Австралија. Хокинсон заврши со 29 поени и 19 скока за Јапонците, Кавамура додаде 25, додека Лаури Марканен имаше 27 поени и 12 скока за Финска, која веќе е елиминирана по двата порази.
СП КОШАРКА 2023, 2.КОЛО
Филипини – Ангола 70:80 (19:12, 14:24, 19:20, 18:24)
Јапонија – Финска 98:88 (22:15, 14:31, 27:27, 35:15)
Литванија – Мексико 96:66 (32:17 21:17 23:17, 20:15)
Франција – Летонија 86:88 (33:26, 20:23, 21:13, 12:26)
👏 Japan make history! 👏#FIBAWC x #WinForJapan I #AkatsukiJapan pic.twitter.com/MflKu4skks
— FIBA Basketball World Cup 2023 🏆 (@FIBAWC) August 27, 2023
