Алфа Таури потврдија дека Даниел Рикардо нема да може да вози на Холандското ГП во недела откако го скрши зглобот на раката на вториот тренинг во Цандворт, и дека младиот Лајам Лосон ќе добие шанса да вози првпат на една Ф1 трка.
Рикардо се судри на третата кривина во исто време како неговиот австралиски сонародник, Оскар Пјастри во Мекларен, по што веднаш беше однесенво болница.
„Снимките покажаа дека Даниел има скршеница на метакарпалната коска на левата рака и нема да може да вози овој викенд. Тој ќе биде заменет од резервниот возач, Лајам Лосон“, потврдија од Алфа Таури.
Новозеланѓанецот Лајам Лосон првпат во својата кариера ќе добие шанса да вози квалификации и трки. 21-годишниот Лосон ќе стане 10-тиот Новозеланѓанец со настап во Ф1, а оваа сезона вози во Јапонската Супер Формула серија, каде што е втор во генерален пласман.
an X-ray confirmed Daniel sustained a break to a metacarpal on his left hand, and this injury will not allow him to continue his duties, so he will be replaced by the team’s reserve driver Liam Lawson for the remainder of the #DutchGP weekend 👇
— Scuderia AlphaTauri (@AlphaTauriF1) August 25, 2023
(Видео) Даниел Рикардо заврши во болница, може да не се трка овој викенд
