Крилниот напаѓач на Вилјареал и нигериски репрезентативец Самуел Чуквуезе е сѐ поблиску до трансфер во Милан. Шпанскиот клуб и „росонерите“ одржаа позитивни разговори во средата, информираат италијанските медиуми.
Вилјареал го проценува својот играч на околу 35 милиони евра, но најавите се дека ќе биде постигнат договор за 28 милиони евра.
Милан има начелен договор со Чуквуезе, за кој се вели дека веќе ги договорил сите свои лични услови и сака што е можно побрзо да пристигне во Милано.
„Росонерите“ размислуваа за трансфер и на Арно Данџума, исто така од Вилјареал, но Холанѓанецот има понуда и од Евертон.
