Казахстанските спасувачки тимови пронајдоа тела на уште 11 жртви на големиот шумски пожар кој беснее во источниот регион Абај во Казахстан, со што вкупниот број на жртви се искачи на 14, соопшти денеска Министерството за вонредни состојби.
„Според податоците на оперативната група за гаснење пожари во регионот Абај, при пребарувањето се пронајдени 11 тела. Нивниот идентитет се утврдува“, се наведува во соопштението.
Претходно беа пронајдени телата на тројца исчезнати работници на шумското претпријатие, па вкупниот број на загинати е 14, пренесува ТАСС.
