Емануел Адебајор (39) ја заврши фудбалската кариера. Последниот клуб на Адебајор беше Семаси од Того.
„Мојата кариера беше неверојатно патување. Им благодарам на навивачите што го следеа секој мој чекор. Благодарен сум за се и возбуден за она што следува“, напиша Адебајор на Инстаграм.
Кариерата ја започна во Мец, а потоа преку Монако дојде во Арсенал каде го играше најдобриот фудбал во кариерата. Во сезоната 2007/08. постигна 24 гола во Премиер лигата. Следуваше позајмица во Реал Мадрид, по што се пресели во Тотенхем. Играше и за Кристал Палас, Башакшехир, Кајзериспор и парагвајска Олимпија.
За репрезентацијата на Того настапи 85 пати и постигна 32 гола. Тој во 2008 година беше прогласен за најдобар африкански фудбалер, а истата година влезе во најдобрите 11 на Премиер лигата. Иако играше во голем број големи клубови, единствениот трофеј што го освои беше Купот на кралот со Реал.
