Претседателот на Украина, Володимир Зеленски, изјави дека одлуката на Меѓународниот кривичен суд во Хаг да издаде налог за апсење на претседателот на Руската Федерација Владимир Путин е историска.
Украинскиот лидер се заблагодари на персоналот на Меѓународниот кривичен суд и на сите кои и помагаат на Украина да се бори за правда.
„Депортацијата на украинските деца е нелегално префрлање на илјадници наши деца на руска територија“, рече претседателот на Украина.
Според Зеленски, би било невозможно да се изврши таква операција без наредба на највисокото раководство на земјата агресор.
„Одвојување на децата од нивните семејства, лишување од секаква можност да стапат во контакт со нивните роднини, криење деца на територијата на Русија, растурање во далечни региони – сето тоа е очигледна државна политика на Русија, државни одлуки и државно зло што започнува со првите функционери на оваа држава“, нагласи Зеленски.
