Македонскиот првак МЗТ Скопје Аеродром ќе се обиде да оствари важна гостинска победа против Мега во 21. коло во АБА-лигата. Тимот на Драган Николиќ ќе излезе на мегдан на пладне, во 12 часот, а самодовербата е зголемена по претходниот триумф над ФМП во СЦ „Јане Сандански“.
МЗТ успеа да ја победи и Мега во Скопје, па Дастин Вер се надева дека тоа може да се повтори и на денешниот дуел во Белград.
„Пред нас е исклучително важен натпревар во борбата за остварување на примарната цел во АБА-лига, а тоа е опстанокот. Играме добро во последно време, формата е во нагорна линија. Ќе сториме сѐ да ја искористиме позитивната енергија и ќе се обидеме да славиме во Белград“, изјави Дастин Вер.
МЗТ Скопје Аеродром во досегашниот тек од сезоната во АБА има ефект од четири победи и 16 порази.
