Во 20:19 часот на ден 10.03.2023 година, на бројот за итни повици 112 е пријавен настан за превртена цистерна на патниот правец клучка Миравци, кон клучка Демир Капија, извести Центарот за управување со кризи.
„По оставрените контакти со АМСМ и Дежурен центар за состојби при МВР известени сме дека сообраќајот во двата правца на автопатот на релација Демир Капија – Гевгелија е во целосен прекин и е пренасочен по стариот пат Демир Капија – Удово – Гевгелија“, велат од ЦУК.
Во моментот на местото на настанот е стигнатала механизација што врши отстранување на цистерната од патот.
„Се очекува за краток временски период сообраќајот да биде нормализиран и цистерната безбедно отстранета од патот“, додаваат од ЦУК.
