Интер по шокантниот пораз од Болоња, се врати на победите во Серија А, триумфирајќи со 2:0 против Лече за да се вратат на 15 поени од првопласираниот Наполи, и поважно на два поени пред Лацио на третото место.
Хенрик Мхитарјан го отвори резултатот во 29. минута по асистенцијата на Николо Барела, за победата да биде запечатена со голот на Лаутаро Мартинез во 53. минута.
За Лече ова е втор пораз во низа и тие остануваат на 15. место на табелата со 27 поени, девет поени над зоната за испаѓање.
