Грчкиот кошаркар Никос Папас ќе биде нов член на тимот на Панатинаикос во кошарка во инвалидска количка. Во Грција постои правило секоја екипа да има по двајца играчи кои немаат инвалидитет.
Папас со тоа ќе стане првиот играч од Првата грчка лига кој игра кошарка во инвалидска количка.
Папас играше и за Хапоел, Зелена Гора во Полска и АЕК, а ПАО сезонава потпиша со него за Никос Папас таму да ја заврши кариерата. Тој одигра еден натпревар во грчката лига и сега ќе прејде на нов предизвик.
Никос Папас долго време им помага на кошаркарите во инвалидски колички и од почетокот сакаше да се приклучи.
„Чувствувам дека сум дел од оваа група од нејзиното создавање и секако учествувам во нејзините активности. Панатинаикос е големо здружение и ние мораме да дадеме пример во спортот и да ги вклучиме сите луѓе, без разлика на нивната состојба, пол, возраст…“, изјави Папас.
