Тој пред новинарите изјави дека Владата на Унгарија не ги поддржува аспирациите на Украина кога станува збор за влез во НАТО и потенцијалниот влез на Киев во ЕУ го условува со заштита на правата на украинските национални малцинства.
Одговарајќи на прашање за желбата на Украина да се приклучи на Алијансата, Гуљаш истакна дека секоја земја има право да поднесе барање за членство.
Зборувајќи за перспективите на Украина за членство во ЕУ, тој нагласи дека Киев мора да обезбеди напредок во заштитата на правата на националните малцинства, особено на Унгарците во Закарпатската област на Украина, доколку Будимпешта сака да го поддржи барањето на таа земја за членство во блокот, пренесе ТАСС.
„Законот за образование и националниот јазик, кој беше усвоен во Украина, во моментов не е во согласност со европските норми. Мора да се постигне напредок во однос на овие прашања“, додаде Гуљаш.
