Утрински Весник
Македонија

Муцунски на работна средба со претставници на Стејт департментот: Потврдени одличните билатерални односи помеѓу Македонија и САД

Муцунски на работна средба со претставници на Стејт департментот: Потврдени одличните билатерални односи помеѓу Македонија и САД

Потпретседателот на ВМРО-ДПМНЕ, Тимчо Муцунски, од вчера престојува во работна посета на Соединетите Американски Држави. Во рамки на посетата тој оствари работна средба со високи претставници на Стејт Департментот.

dobivaj vesti na viber

„Во рамките на средбата со Стивен Џи, Директор во Директоратот за Јужно-Централна Европа и Бенсон Сивек, офицер кој е одговорен за Македонија ги потврдивме одличните билатерални односи помеѓу нашата држава и САД кои неопходно е во иднина да продолжат да се надградуваат во духот на стратешкото партнерство помеѓу двете земји“, напиша Муцунски во својата Фејсбук објава.

Муцунски во својата објава потенцираше дека на средбата ја нагласил заложбата на ВМРО-ДПМНЕ за итни и темелни реформи во правосудниот систем, но и забрзан економски развој како одговор на тешката економска состојба во државата и високото ниво на криминал и корупција.

Во следните неколку денови тој ќе оствари средби со членови на Конгресот, високи претставници на меѓународните организации и ќе присуствува на Националниот молитвен појадок кој ќе се одржи утре во Вашингтон.

Можете да прочитате

Комитетот за светско наследство на УНЕСКО го продолжи рокот за имплементација на корективните мерки за Охридскиот Регион

Филипче: ВМРО-ДПМНЕ како со булдожер ги сруши меѓународните позиции на државата

Мицкоски до опозицијата: Луѓето кои распродадоа од знаме до име, немаат кредибилитет да судат