Новата американска амбасадорка во Русија, Лин Трејси, ќе посвети посебно внимание на одржувањето на дијалогот меѓу Вашингтон и Москва и односот меѓу народите на двата народа, соопшти американската амбасада во Москва по средбата што се одржа денеска во Министерството за надворешни работи на Русија.
„Амбасадорката Лин Трејси денеска ја имаше првата средба во Министерството за надворешни работи на Русија, каде што се сретна со заменик-министерот за надворешни работи, Сергеј Рјабков“, соопшти Амбасадата на својот канал на „Телеграм“, пренесе ТАС С.
„Амбасадорката Трејси посветува посебно внимание на одржувањето на дијалогот меѓу главните градови на нашите земји во период на невидени тензии, заштитата на интересите на американските граѓани притворени во Русија, како и одржувањето на врските меѓу американскиот и рускиот народ“, додаваат од Амбасадата, пренесе „Танјуг“.
